Biblia Sacra Vulgata
Liber Psalmorum
|
Psalmus 23
|
1
Prima sabbati. Psalmus David.
Domini est terra, et plenitudo ejus;
orbis terrarum, et universi qui habitant in eo.
Domini est terra, et plenitudo ejus;
orbis terrarum, et universi qui habitant in eo.
2
Quia ipse super maria fundavit eum,
et super flumina præparavit eum.
et super flumina præparavit eum.
3
Quis ascendet in montem Domini?
aut quis stabit in loco sancto ejus?
aut quis stabit in loco sancto ejus?
4
Innocens manibus et mundo corde,
qui non accepit in vano animam suam,
nec juravit in dolo proximo suo:
qui non accepit in vano animam suam,
nec juravit in dolo proximo suo:
5
hic accipiet benedictionem a Domino,
et misericordiam a Deo salutari suo.
et misericordiam a Deo salutari suo.
6
Hæc est generatio quærentium eum,
quærentium faciem Dei Jacob.
quærentium faciem Dei Jacob.
7
Attollite portas, principes, vestras,
et elevamini, portæ æternales,
et introibit rex gloriæ.
et elevamini, portæ æternales,
et introibit rex gloriæ.
8
Quis est iste rex gloriæ?
Dominus fortis et potens,
Dominus potens in prælio.
Dominus fortis et potens,
Dominus potens in prælio.
9
Attollite portas, principes, vestras,
et elevamini, portæ æternales,
et introibit rex gloriæ.
et elevamini, portæ æternales,
et introibit rex gloriæ.
10
Quis est iste rex gloriæ?
Dominus virtutum ipse est rex gloriæ.
Dominus virtutum ipse est rex gloriæ.
