Biblia Sacra Vulgata
Ecclesiasticus Jesu, filii Sirach
|
Capitulum 30
|
1
Qui diligit filium suum assiduat illi flagella,
ut lætetur in novissimo suo,
et non palpet proximorum ostia.
ut lætetur in novissimo suo,
et non palpet proximorum ostia.
2
Qui docet filium suum laudabitur in illo,
et in medio domesticorum in illo gloriabitur.
et in medio domesticorum in illo gloriabitur.
3
Qui docet filium suum in zelum mittit inimicum,
et in medio amicorum gloriabitur in illo.
et in medio amicorum gloriabitur in illo.
4
Mortuus est pater ejus, et quasi non est mortuus:
similem enim reliquit sibi post se.
similem enim reliquit sibi post se.
5
In vita sua vidit, et lætatus est in illo:
in obitu suo non est contristatus,
nec confusus est coram inimicis:
in obitu suo non est contristatus,
nec confusus est coram inimicis:
6
reliquit enim defensorem domus contra inimicos,
et amicis reddentem gratiam.
et amicis reddentem gratiam.
7
Pro animabus filiorum colligabit vulnera sua,
et super omnem vocem turbabuntur viscera ejus.
et super omnem vocem turbabuntur viscera ejus.
8
Equus indomitus evadit durus,
et filius remissus evadet præceps.
et filius remissus evadet præceps.
9
Lacta filium, et paventem te faciet:
lude cum eo, et contristabit te.
lude cum eo, et contristabit te.
10
Non corrideas illi, ne doleas,
et in novissimo obstupescent dentes tui.
et in novissimo obstupescent dentes tui.
11
Non des illi potestatem in juventute,
et ne despicias cogitatus illius.
et ne despicias cogitatus illius.
12
Curva cervicem ejus in juventute,
et tunde latera ejus dum infans est,
ne forte induret, et non credat tibi,
et erit tibi dolor animæ.
et tunde latera ejus dum infans est,
ne forte induret, et non credat tibi,
et erit tibi dolor animæ.
13
Doce filium tuum, et operare in illo,
ne in turpitudinem illius offendas.
ne in turpitudinem illius offendas.
14
Melior est pauper sanus, et fortis viribus,
quam dives imbecillis et flagellatus malitia.
quam dives imbecillis et flagellatus malitia.
15
Salus animæ in sanctitate justitiæ
melior est omni auro et argento:
et corpus validum quam census immensus.
melior est omni auro et argento:
et corpus validum quam census immensus.
16
Non est census super censum salutis corporis,
et non est oblectamentum super cordis gaudium.
et non est oblectamentum super cordis gaudium.
17
Melior est mors quam vita amara,
et requies æterna quam languor perseverans.
et requies æterna quam languor perseverans.
18
Bona abscondita in ore clauso,
quasi appositiones epularum circumpositæ sepulchro.
quasi appositiones epularum circumpositæ sepulchro.
19
Quid proderit libatio idolo?
nec enim manducabit, nec odorabit.
nec enim manducabit, nec odorabit.
20
Sic qui effugatur a Domino,
portans mercedes iniquitatis:
portans mercedes iniquitatis:
21
videns oculis et ingemiscens,
sicut spado complectens virginem, et suspirans.
sicut spado complectens virginem, et suspirans.
22
Tristitiam non des animæ tuæ,
et non affligas temetipsum in consilio tuo.
et non affligas temetipsum in consilio tuo.
23
Jucunditas cordis, hæc est vita hominis,
et thesaurus sine defectione sanctitatis:
et exsultatio viri est longævitas.
et thesaurus sine defectione sanctitatis:
et exsultatio viri est longævitas.
24
Miserere animæ tuæ placens Deo, et contine:
congrega cor tuum in sanctitate ejus,
et tristitiam longe repelle a te.
congrega cor tuum in sanctitate ejus,
et tristitiam longe repelle a te.
25
Multos enim occidit tristitia,
et non est utilitas in illa.
et non est utilitas in illa.
26
Zelus et iracundia minuunt dies,
et ante tempus senectam adducet cogitatus.
et ante tempus senectam adducet cogitatus.
27
Splendidum cor et bonum in epulis est:
epulæ enim illius diligenter fiunt.
epulæ enim illius diligenter fiunt.
