Biblia Sacra Vulgata
Ecclesiasticus Jesu, filii Sirach
|
Capitulum 29
|
1
Qui facit misericordiam fœneratur proximo suo:
et qui prævalet manu mandata servat.
et qui prævalet manu mandata servat.
2
Fœnerare proximo tuo in tempore necessitatis illius:
et iterum redde proximo in tempore suo.
et iterum redde proximo in tempore suo.
3
Confirma verbum, et fideliter age cum illo:
et in omni tempore invenies quod tibi necessarium est.
et in omni tempore invenies quod tibi necessarium est.
4
Multi quasi inventionem æstimaverunt fœnus,
et præstiterunt molestiam his qui se adjuverunt.
et præstiterunt molestiam his qui se adjuverunt.
5
Donec accipiant, osculantur manus dantis,
et in promissionibus humiliant vocem suam:
et in promissionibus humiliant vocem suam:
6
et in tempore redditionis postulabit tempus,
et loquetur verba tædii et murmurationum,
et tempus causabitur.
et loquetur verba tædii et murmurationum,
et tempus causabitur.
7
Si autem potuerit reddere, adversabitur:
solidi vix reddet dimidium,
et computabit illud quasi inventionem:
solidi vix reddet dimidium,
et computabit illud quasi inventionem:
8
sin autem, fraudabit illum pecunia sua,
et possidebit illum inimicum gratis:
et possidebit illum inimicum gratis:
9
et convitia et maledicta reddet illi,
et pro honore et beneficio reddet illi contumeliam.
et pro honore et beneficio reddet illi contumeliam.
10
Multi non causa nequitiæ non fœnerati sunt,
sed fraudari gratis timuerunt.
sed fraudari gratis timuerunt.
11
Verumtamen super humilem animo fortior esto,
et pro eleemosyna non trahas illum.
et pro eleemosyna non trahas illum.
12
Propter mandatum assume pauperem,
et propter inopiam ejus ne dimittas eum vacuum.
et propter inopiam ejus ne dimittas eum vacuum.
13
Perde pecuniam propter fratrem et amicum tuum,
et non abscondas illam sub lapide in perditionem.
et non abscondas illam sub lapide in perditionem.
14
Pone thesaurum tuum in præceptis Altissimi,
et proderit tibi magis quam aurum.
et proderit tibi magis quam aurum.
15
Conclude eleemosynam in corde pauperis,
et hæc pro te exorabit ab omni malo.
et hæc pro te exorabit ab omni malo.
16
17 18 Super scutum potentis et super lanceam
adversus inimicum tuum pugnabit.
adversus inimicum tuum pugnabit.
19
Vir bonus fidem facit pro proximo suo:
et qui perdiderit confusionem derelinquet sibi.
et qui perdiderit confusionem derelinquet sibi.
20
Gratiam fidejussoris ne obliviscaris:
dedit enim pro te animam suam.
dedit enim pro te animam suam.
21
Repromissorem fugit peccator et immundus.
22
Bona repromissoris sibi ascribit peccator:
et ingratus sensu derelinquet liberantem se.
et ingratus sensu derelinquet liberantem se.
23
Vir repromittit de proximo suo:
et cum perdiderit reverentiam, derelinquetur ab eo.
et cum perdiderit reverentiam, derelinquetur ab eo.
24
Repromissio nequissima multos perdidit dirigentes,
et commovit illos quasi fluctus maris.
et commovit illos quasi fluctus maris.
25
Viros potentes gyrans migrare fecit,
et vagati sunt in gentibus alienis.
et vagati sunt in gentibus alienis.
26
Peccator transgrediens mandatum Domini incidet in promissionem nequam:
et qui conatur multa agere incidet in judicium.
et qui conatur multa agere incidet in judicium.
27
Recupera proximum secundum virtutem tuam,
et attende tibi ne incidas.
et attende tibi ne incidas.
28
Initium vitæ hominis, aqua et panis,
et vestimentum, et domus protegens turpitudinem.
et vestimentum, et domus protegens turpitudinem.
29
Melior est victus pauperis sub tegmine asserum
quam epulæ splendidæ in peregre sine domicilio.
quam epulæ splendidæ in peregre sine domicilio.
30
Minimum pro magno placeat tibi,
et improperium peregrinationis non audies.
et improperium peregrinationis non audies.
31
Vita nequam hospitandi de domo in domum:
et ubi hospitabitur non fiducialiter aget, nec aperiet os.
et ubi hospitabitur non fiducialiter aget, nec aperiet os.
32
Hospitabitur, et pascet, et potabit ingratos,
et ad hæc amara audiet:
et ad hæc amara audiet:
33
transi, hospes, et orna mensam,
et quæ in manu habes ciba ceteros.
et quæ in manu habes ciba ceteros.
34
Exi a facie honoris amicorum meorum:
necessitudine domus meæ hospitio mihi factus est frater.
necessitudine domus meæ hospitio mihi factus est frater.
35
Gravia hæc homini habenti sensum:
correptio domus, et improperium fœneratoris.
correptio domus, et improperium fœneratoris.
