Biblia Sacra Vulgata
Liber Psalmorum
|
Psalmus 32
|
1
Psalmus David.
Exsultate, justi, in Domino;
rectos decet collaudatio.
Exsultate, justi, in Domino;
rectos decet collaudatio.
2
Confitemini Domino in cithara;
in psalterio decem chordarum psallite illi.
in psalterio decem chordarum psallite illi.
3
Cantate ei canticum novum;
bene psallite ei in vociferatione.
bene psallite ei in vociferatione.
4
Quia rectum est verbum Domini,
et omnia opera ejus in fide.
et omnia opera ejus in fide.
5
Diligit misericordiam et judicium;
misericordia Domini plena est terra.
misericordia Domini plena est terra.
6
Verbo Domini cæli firmati sunt,
et spiritu oris ejus omnis virtus eorum.
et spiritu oris ejus omnis virtus eorum.
7
Congregans sicut in utre aquas maris;
ponens in thesauris abyssos.
ponens in thesauris abyssos.
8
Timeat Dominum omnis terra;
ab eo autem commoveantur omnes inhabitantes orbem.
ab eo autem commoveantur omnes inhabitantes orbem.
9
Quoniam ipse dixit, et facta sunt;
ipse mandavit et creata sunt.
ipse mandavit et creata sunt.
10
Dominus dissipat consilia gentium;
reprobat autem cogitationes populorum,
et reprobat consilia principum.
reprobat autem cogitationes populorum,
et reprobat consilia principum.
11
Consilium autem Domini in æternum manet;
cogitationes cordis ejus in generatione et generationem.
cogitationes cordis ejus in generatione et generationem.
12
Beata gens cujus est Dominus Deus ejus;
populus quem elegit in hæreditatem sibi.
populus quem elegit in hæreditatem sibi.
13
De cælo respexit Dominus;
vidit omnes filios hominum.
vidit omnes filios hominum.
14
De præparato habitaculo suo
respexit super omnes qui habitant terram:
respexit super omnes qui habitant terram:
15
qui finxit sigillatim corda eorum;
qui intelligit omnia opera eorum.
qui intelligit omnia opera eorum.
16
Non salvatur rex per multam virtutem,
et gigas non salvabitur in multitudine virtutis suæ.
et gigas non salvabitur in multitudine virtutis suæ.
17
Fallax equus ad salutem;
in abundantia autem virtutis suæ non salvabitur.
in abundantia autem virtutis suæ non salvabitur.
18
Ecce oculi Domini super metuentes eum,
et in eis qui sperant super misericordia ejus:
et in eis qui sperant super misericordia ejus:
19
ut eruat a morte animas eorum,
et alat eos in fame.
et alat eos in fame.
20
Anima nostra sustinet Dominum,
quoniam adjutor et protector noster est.
quoniam adjutor et protector noster est.
21
Quia in eo lætabitur cor nostrum,
et in nomine sancto ejus speravimus.
et in nomine sancto ejus speravimus.
22
Fiat misericordia tua, Domine, super nos,
quemadmodum speravimus in te.
quemadmodum speravimus in te.
