Biblia Sacra Vulgata
Liber Proverbiorum
|
Capitulum 26
|
1
Quomodo nix in æstate, et pluviæ in messe,
sic indecens est stulto gloria.
sic indecens est stulto gloria.
2
Sicut avis ad alia transvolans, et passer quolibet vadens,
sic maledictum frustra prolatum in quempiam superveniet.
sic maledictum frustra prolatum in quempiam superveniet.
3
Flagellum equo, et camus asino,
et virga in dorso imprudentium.
et virga in dorso imprudentium.
4
Ne respondeas stulto juxta stultitiam suam,
ne efficiaris ei similis.
ne efficiaris ei similis.
5
Responde stulto juxta stultitiam suam,
ne sibi sapiens esse videatur.
ne sibi sapiens esse videatur.
6
Claudus pedibus, et iniquitatem bibens,
qui mittit verba per nuntium stultum.
qui mittit verba per nuntium stultum.
7
Quomodo pulchras frustra habet claudus tibias,
sic indecens est in ore stultorum parabola.
sic indecens est in ore stultorum parabola.
8
Sicut qui mittit lapidem in acervum Mercurii,
ita qui tribuit insipienti honorem.
ita qui tribuit insipienti honorem.
9
Quomodo si spina nascatur in manu temulenti,
sic parabola in ore stultorum.
sic parabola in ore stultorum.
10
Judicium determinat causas,
et qui imponit stulto silentium iras mitigat.
et qui imponit stulto silentium iras mitigat.
11
Sicut canis qui revertitur ad vomitum suum,
sic imprudens qui iterat stultitiam suam.
sic imprudens qui iterat stultitiam suam.
12
Vidisti hominem sapientem sibi videri?
magis illo spem habebit insipiens.
magis illo spem habebit insipiens.
13
Dicit piger: Leo est in via,
et leæna in itineribus.
et leæna in itineribus.
14
Sicut ostium vertitur in cardine suo,
ita piger in lectulo suo.
ita piger in lectulo suo.
15
Abscondit piger manum sub ascella sua,
et laborat si ad os suum eam converterit.
et laborat si ad os suum eam converterit.
16
Sapientior sibi piger videtur
septem viris loquentibus sententias.
septem viris loquentibus sententias.
17
Sicut qui apprehendit auribus canem,
sic qui transit impatiens et commiscetur rixæ alterius.
sic qui transit impatiens et commiscetur rixæ alterius.
18
Sicut noxius est qui mittit sagittas et lanceas in mortem,
19
ita vir fraudulenter nocet amico suo,
et cum fuerit deprehensus dicit: Ludens feci.
et cum fuerit deprehensus dicit: Ludens feci.
20
Cum defecerint ligna extinguetur ignis,
et susurrone subtracto, jurgia conquiescent.
et susurrone subtracto, jurgia conquiescent.
21
Sicut carbones ad prunas, et ligna ad ignem,
sic homo iracundus suscitat rixas.
sic homo iracundus suscitat rixas.
22
Verba susurronis quasi simplicia,
et ipsa perveniunt ad intima ventris.
et ipsa perveniunt ad intima ventris.
23
Quomodo si argento sordido ornare velis vas fictile,
sic labia tumentia cum pessimo corde sociata.
sic labia tumentia cum pessimo corde sociata.
24
Labiis suis intelligitur inimicus,
cum in corde tractaverit dolos.
cum in corde tractaverit dolos.
25
Quando submiserit vocem suam, ne credideris ei,
quoniam septem nequitiæ sunt in corde illius.
quoniam septem nequitiæ sunt in corde illius.
26
Qui operit odium fraudulenter,
revelabitur malitia ejus in consilio.
revelabitur malitia ejus in consilio.
27
Qui fodit foveam incidet in eam,
et qui volvit lapidem revertetur ad eum.
et qui volvit lapidem revertetur ad eum.
28
Lingua fallax non amat veritatem,
et os lubricum operatur ruinas.
et os lubricum operatur ruinas.
