Biblia Sacra Vulgata
Liber Proverbiorum
|
Capitulum 3
|
1
Fili mi, ne obliviscaris legis meæ,
et præcepta mea cor tuum custodiat:
et præcepta mea cor tuum custodiat:
2
longitudinem enim dierum, et annos vitæ, et pacem,
apponent tibi.
apponent tibi.
3
Misericordia et veritas te non deserant;
circumda eas gutturi tuo,
et describe in tabulis cordis tui:
circumda eas gutturi tuo,
et describe in tabulis cordis tui:
4
et invenies gratiam, et disciplinam bonam,
coram Deo et hominibus.
coram Deo et hominibus.
5
Habe fiduciam in Domino ex toto corde tuo,
et ne innitaris prudentiæ tuæ.
et ne innitaris prudentiæ tuæ.
6
In omnibus viis tuis cogita illum,
et ipse diriget gressus tuos.
et ipse diriget gressus tuos.
7
Ne sis sapiens apud temetipsum;
time Deum, et recede a malo:
time Deum, et recede a malo:
8
sanitas quippe erit umbilico tuo,
et irrigatio ossium tuorum.
et irrigatio ossium tuorum.
9
Honora Dominum de tua substantia,
et de primitiis omnium frugum tuarum da ei:
et de primitiis omnium frugum tuarum da ei:
10
et implebuntur horrea tua saturitate,
et vino torcularia tua redundabunt.
et vino torcularia tua redundabunt.
11
Disciplinam Domini, fili mi, ne abjicias,
nec deficias cum ab eo corriperis:
nec deficias cum ab eo corriperis:
12
quem enim diligit Dominus, corripit,
et quasi pater in filio complacet sibi.
et quasi pater in filio complacet sibi.
13
Beatus homo qui invenit sapientiam,
et qui affluit prudentia.
et qui affluit prudentia.
14
Melior est acquisitio ejus negotiatione argenti,
et auri primi et purissimi fructus ejus.
et auri primi et purissimi fructus ejus.
15
Pretiosior est cunctis opibus,
et omnia quæ desiderantur huic non valent comparari.
et omnia quæ desiderantur huic non valent comparari.
16
Longitudo dierum in dextera ejus,
et in sinistra illius divitiæ et gloria.
et in sinistra illius divitiæ et gloria.
17
Viæ ejus viæ pulchræ,
et omnes semitæ illius pacificæ.
et omnes semitæ illius pacificæ.
18
Lignum vitæ est his qui apprehenderint eam,
et qui tenuerit eam beatus.
et qui tenuerit eam beatus.
19
Dominus sapientia fundavit terram;
stabilivit cælos prudentia.
stabilivit cælos prudentia.
20
Sapientia illius eruperunt abyssi,
et nubes rore concrescunt.
et nubes rore concrescunt.
21
Fili mi, ne effluant hæc ab oculis tuis.
Custodi legem atque consilium,
Custodi legem atque consilium,
22
et erit vita animæ tuæ,
et gratia faucibus tuis.
et gratia faucibus tuis.
23
Tunc ambulabis fiducialiter in via tua,
et pes tuus non impinget.
et pes tuus non impinget.
24
Si dormieris, non timebis;
quiesces, et suavis erit somnus tuus.
quiesces, et suavis erit somnus tuus.
25
Ne paveas repentino terrore,
et irruentes tibi potentias impiorum.
et irruentes tibi potentias impiorum.
26
Dominus enim erit in latere tuo,
et custodiet pedem tuum, ne capiaris.
et custodiet pedem tuum, ne capiaris.
27
Noli prohibere benefacere eum qui potest:
si vales, et ipse benefac.
si vales, et ipse benefac.
28
Ne dicas amico tuo: Vade, et revertere: cras dabo tibi:
cum statim possis dare.
cum statim possis dare.
29
Ne moliaris amico tuo malum,
cum ille in te habeat fiduciam.
cum ille in te habeat fiduciam.
30
Ne contendas adversus hominem frustra,
cum ipse tibi nihil mali fecerit.
cum ipse tibi nihil mali fecerit.
31
Ne æmuleris hominem injustum,
nec imiteris vias ejus:
nec imiteris vias ejus:
32
quia abominatio Domini est omnis illusor,
et cum simplicibus sermocinatio ejus.
et cum simplicibus sermocinatio ejus.
33
Egestas a Domino in domo impii;
habitacula autem justorum benedicentur.
habitacula autem justorum benedicentur.
34
Ipse deludet illusores,
et mansuetis dabit gratiam.
et mansuetis dabit gratiam.
35
Gloriam sapientes possidebunt;
stultorum exaltatio ignominia.
stultorum exaltatio ignominia.
