Biblia Sacra Vulgata
Liber Proverbiorum
|
Capitulum 21
|
1
Sicut divisiones aquarum, ita cor regis in manu Domini:
quocumque voluerit, inclinabit illud.
quocumque voluerit, inclinabit illud.
2
Omnis via viri recta sibi videtur:
appendit autem corda Dominus.
appendit autem corda Dominus.
3
Facere misericordiam et judicium
magis placet Domino quam victimæ.
magis placet Domino quam victimæ.
4
Exaltatio oculorum est dilatatio cordis;
lucerna impiorum peccatum.
lucerna impiorum peccatum.
5
Cogitationes robusti semper in abundantia;
omnis autem piger semper in egestate est.
omnis autem piger semper in egestate est.
6
Qui congregat thesauros lingua mendacii vanus et excors est,
et impingetur ad laqueos mortis.
et impingetur ad laqueos mortis.
7
Rapinæ impiorum detrahent eos,
quia noluerunt facere judicium.
quia noluerunt facere judicium.
8
Perversa via viri aliena est;
qui autem mundus est, rectum opus ejus.
qui autem mundus est, rectum opus ejus.
9
Melius est sedere in angulo domatis,
quam cum muliere litigiosa, et in domo communi.
quam cum muliere litigiosa, et in domo communi.
10
Anima impii desiderat malum:
non miserebitur proximo suo.
non miserebitur proximo suo.
11
Mulctato pestilente, sapientior erit parvulus,
et si sectetur sapientem, sumet scientiam.
et si sectetur sapientem, sumet scientiam.
12
Excogitat justus de domo impii,
ut detrahat impios a malo.
ut detrahat impios a malo.
13
Qui obturat aurem suam ad clamorem pauperis,
et ipse clamabit, et non exaudietur.
et ipse clamabit, et non exaudietur.
14
Munus absconditum extinguit iras,
et donum in sinu indignationem maximam.
et donum in sinu indignationem maximam.
15
Gaudium justo est facere judicium,
et pavor operantibus iniquitatem.
et pavor operantibus iniquitatem.
16
Vir qui erraverit a via doctrinæ
in cœtu gigantum commorabitur.
in cœtu gigantum commorabitur.
17
Qui diligit epulas in egestate erit;
qui amat vinum et pinguia non ditabitur.
qui amat vinum et pinguia non ditabitur.
18
Pro justo datur impius,
et pro rectis iniquus.
et pro rectis iniquus.
19
Melius est habitare in terra deserta
quam cum muliere rixosa et iracunda.
quam cum muliere rixosa et iracunda.
20
Thesaurus desiderabilis, et oleum in habitaculo justi:
et imprudens homo dissipabit illud.
et imprudens homo dissipabit illud.
21
Qui sequitur justitiam et misericordiam
inveniet vitam, justitiam, et gloriam.
inveniet vitam, justitiam, et gloriam.
22
Civitatem fortium ascendit sapiens,
et destruxit robur fiduciæ ejus.
et destruxit robur fiduciæ ejus.
23
Qui custodit os suum et linguam suam
custodit ab angustiis animam suam.
custodit ab angustiis animam suam.
24
Superbus et arrogans vocatur indoctus,
qui in ira operatur superbiam.
qui in ira operatur superbiam.
25
Desideria occidunt pigrum:
noluerunt enim quidquam manus ejus operari.
noluerunt enim quidquam manus ejus operari.
26
Tota die concupiscit et desiderat;
qui autem justus est, tribuet, et non cessabit.
qui autem justus est, tribuet, et non cessabit.
27
Hostiæ impiorum abominabiles,
quia offeruntur ex scelere.
quia offeruntur ex scelere.
28
Testis mendax peribit;
vir obediens loquetur victoriam.
vir obediens loquetur victoriam.
29
Vir impius procaciter obfirmat vultum suum;
qui autem rectus est corrigit viam suam.
qui autem rectus est corrigit viam suam.
30
Non est sapientia, non est prudentia,
non est consilium contra Dominum.
non est consilium contra Dominum.
31
Equus paratur ad diem belli;
Dominus autem salutem tribuit.
Dominus autem salutem tribuit.
